Tok Pisin : West Papua 53rd Anniversary long Melbourne

West Papua 53rd Anniversary long Melbourne

Caroline Tiriman

Sampela pipol blong West Papua na ol sapota blong rait blong ol West Papua pipal long kisim indipendans i bung long Federation Square long Melbourne blong makim dei blong ol.

Sampela blong West Papua i makim 53 anniversary blong ol long Melbourne (Credit: ABC) 

Piksa: Ol lain West Papua long Melbourne i redi long makim dei blong ol long Federation Square

Piksa: Trudy Silan, PNG student long West Papua bung long Melbourne

Piksa: West Papua activist Ronnie Kareni

Odio: Ronnie Kareni, West Papuan activist na PNG sumatin Trudy Silan i toktok

Tede emi 53 yar  we ol pipal blong West Papua i makim olsem National Day blong ol long 1961.

Despla dei, nambawan December i makim dei we ol pipal blong West Papua ibin apim Morning star flag blong ol aninit long ol wok em gavman blong netherlands ibin wok long redi-im ol long kisim indipendans, tasol long 1962 histori blong ol ibin senis taem Indonesia ibin go insaet na kisim nating West Papua.

Ol pipal blong West Papuans long olgeta hap blong wold wantem tu hia long Australia ibin makim despla dei tede na long Melbourne oli bin mekim wankaen bung.

Ol West Papuan pipal blong  Victoria, wantem tu ol saporta BLONG Australia na ol aborigini pipal ibin bung long Federation Square we oli bin holim na soim ol morning star flag, taem stori blong ol na wari ibin kamap long wanpla bikpla vidio screen.