Tok Pisin : Vanuatu i redi gut long West Papua miting

Ol Melanesian Spearhead Grup gavman ofisa bai stap tu long Vanuatu West Papua miting

Ol West Papua pipal i apim Morning Star Flag blong ol 

Odio: Pastor Alan Nafuki siaman blong West Papua Unification Komiti long Vanuatu itoktok wantem Caroline Tiriman

Pastor Alan Nafuki siaman blong West Papua Unification Komiti long Vanuatu itoktok wantem Caroline Tiriman (Credit: ABC) 

Olgeta wok blong redi-im bikpla miting blong ol lida blong West Papua long Vanuatu igo hed gut.

Pastor Alan Nafuki, siaman blong West Papua re-unification komiti we emi redi-im despla miting itok samting olsem 200 pipal blong West Papua bai stap long despla miting em bai stat wantem bikpla lotu long 30 November  na bai pinis long namba 4 December long Port Vila.
As tingting blong despla miting em blong bungim ol lida blong West Papua long toktok na kamapim wanpla strongpa grup long halvim askim blong ol long joinim Melanesian Spearhead Grup.

Pastor Nafuki itok tu olsem ol memba kantri blong Melanesian Spearhead group olsem Papua New Guinea, Solomon Islands na Fiji bai salim ol gavman ofisa blong ol igo long despla miting.